|
之網站是由信服陳先生仒義工起仒 (站主不是陳先生.) 陳先生無電腦上網, 所以內底資料若有誤傳陳先生意思, 抑是有濫着站主個人偏見, 請多多包涵.
《高階標準臺語字典》是陳先生仒傳世鉅作. (2007年8月出版.) 讀者講即本字典讀起來真趣味, 會中學足濟故事及歷史. 現時大部分人攏無學過台語音標, 字典仒字唸未出來. 為着補充字典無聲仒遺憾. 陳先生將以前台語講課仒材料分享與逐个. 有二十三頁仒講義及六點鐘長仒錄音. 陳先生講課生動活潑. 不通錯過! 想每學台語仒音調 無﹖想每知也台語獨特的變調是啥無﹖聽陳先生解說。 看着字,未曉唸? 聽着電視內講台語聽着怪怪? 會使將字打入目錄頂頭仒搜尋試看味. 電視內迭迭有人給[院長]唸不對,請去[易誤校正]聽陳先生唸.莫却參考台語變調規則. 愛唸古詩﹖每學文音(讀書音)﹖陳先生唸千家詩和昔時賢文與你聽。
您滯仒是茨不是[厝] — 若是[厝]着愛俄孝杖囉。你嘴內有齒無牙 — 若每看[牙]上好去動物園看。來學正字及伊仒來歷。
真濟人與人灌輸一仒觀念,認為台語是僅徒用昰鄉土民俗,若每現代仒文化仒,着愛講[國語](北京語).實際上,微講台語接受現代語詞比北京語早,着算無,平平對日本進口仒名詞,用台語唸有啥困難? 請去日本外來語聽看味. |
請設定 utf-8 編碼觀看本站 有問題﹐有意見, 歡迎去討論區發問交流. 台語有音無字﹖台語多罕字﹐怪字﹖若像英國人用英文寫未出法語怪法語有音無字﹐見着法文講伊是罕字﹐怪字。有聽人講漢字赫尔濟﹐ 常用仒其實才幾千字無﹖為何﹖因為漢文不是一个語文。如同abc 造出來有英文﹐法文﹐德文﹐西班牙文等等真濟仒語文﹔ 個別語文仒辭彙自然只佔所有abc 文仒一小部份。 何況真濟字一點亦無怪。怪昰北京語發聲和古漢語差別極大﹐逐個只知北京語仒發音﹐想未着彼字古早人唸着像台語無像北京語。請參考古漢語。 比如﹐知也逢安怎唸以後﹐[我出門╴着李先生] 之句話你會填[ 逢 ] 亦是填[ 碰 ] 字﹖用底一字加土﹖( 病院大概加愛你[碰]着 )。 [北京語] 和 [五千年文化]上好不通講做伙﹐會與人笑。台語有白音和文音。白音是上古音﹐文音屬中古音攏比北京語加真久。 如同歐洲各民族因歷史上接觸頻繁﹐有真濟仒共同辭彙及進口字﹐東亞各民族亦是共款。 但是各個語文並無因共同辭彙着混為一个語文。現時聲稱漢語漢文為單一語文仒完全是政治口號。 比如﹕台語仒colar black 是[烏](音o)﹐北京語是[黑](音hay)。[黑]不是台語着不是台語。 看着一black 物台語人一定講[烏]北京語人一定講[黑]。北京語進口了一些特別辭彙如[烏鴉]﹐[烏盆記]﹐反應北京語歷史仒短。 今也電視台語節目仒字幕攏翻譯作北京語寫﹐反過來北京語節目連er, ar 等無意思仒口語亦必忠實以北京語寫出﹐ 實在蹧蹋台語人。若講不知安怎寫仒字猶可原諒﹐像[烏]之種明明白白仒字亦一定愛翻寫作[黑]﹐敢講會過去﹖ 美麗之島頁面仒背景是楊文章先生慷慨提供仒山岳攝影菁華像片: 頂面叫作"高山之晨",下面是"北台群山". 非常仒感謝. 楊文章先生有真濟美不勝收仒臺灣山景像片昰 http://www.pixnet.net/brucyo |
| 去頭頁 | 去討論區 |